Zyrtare: Leon Dajaku transferohet te St Gallen

Leon Dajaku të enjten ka kompletuar huazimin deri në fund të sezonit 2022/23 nga Sunderlandi te St. Gallen, ku do ta mbajë fanellën me numrin 77.

Dy klubet kanë rënë dakord që të mos bëjnë të ditur modalitetet e transferimit.

Drejtori sportiv i klubit zviceran, Alain Sutter ka thënë se Dajaku mund t’i shërbejë shumë skuadrës në stinorin pranveror të Superligës së Zvicrës.

“Leoni mund të përdoret në pozicione të ndryshme në sulmin tonë, gjë që na jep mundësi të reja. Ai ka shumë potencial, jemi të lumtur që është pjesë e ekipit tonë deri në verë”, ka thënë Sutter.

Ai më herët ka qenë pjesë e ekipit të dytë të Bayernit dhe ekipit të parë të Stuttgartit dhe Union Berlinit.

Një ndeshje ka luajtur edhe për U20 e Gjermanisë. Me Sunderlandin ka kontratë deri në qershor të vitit 2024.

Malisheva transferon Fatjon Celanin nga futbolli rumun

Agjenti italian për Ermal Krasniqin: I intereson veç futbolli, më tha se s’ka frekuentuar asnjëherë ndonjë klub nate