Zyrtare: Jadon Sancho kthehet te Borussia Dortmundi

Borussia Dortmund ka njoftuar edhe zyrtarisht rikthimin e Jadon Sanchos nga Manchester Unitedi.

Klubi gjerman dhe ai anglez kishte ditë që kishin arritur një marrëveshje në parim për sulmuesin anësor anglez, Sancho.

Megjithatë, vetëm sot (e enjte) ka ardhur njoftimi zyrtar mbi huazimin e anglezit në klubin nga Bundesliga.

Është vet faqja zyrtare e Dortmundit, e cila ka njoftuar kthimin e Sanchos me anë të disa postimeve.

“Borussia Dortmund ka nënshkruar me lojtarin ofensiv Jadon Sancho në formë huazimi deri në fund të sezonit”.

“Anglezi, aktualisht te Manchester United, nënshkroi të enjten kontratë huazimi deri më 30 qershor 2024”, thuhet në njoftimin e Dortmundit.

23-herë reprezentuesi anglez luajti gjithsej 137 ndeshje konkurruese (50 gola/64 asistime) për Borussia Dortmund midis viteve 2017 dhe 2021.

Në vitin 2021, ai fitoi Kupën DFB me Dortmundin pas një fitore 4-1 kundër RB Leipzig.

Ramaj thotë se u kontaktua nga Kosova dhe Shqipëria, por po pret Gjermaninë

Shtohet numri i skuadrave që duan Jalen Blesan