Zyrtare: Florian Kamberi prezantohet tek skuadra e madhe angleze

Florian Kamberi ka ndërruar sërish skuadër, ku tani do të luaj në futbollin anglez.

Florian Kamberi bën një tjetër hap mbrapa në karrierën e tij duke u transferuar në League One, kategoria e tretë e futbollit anglez.

Gjithsesi sulmuesi i kombëtares shqiptare i cili në gjysmën e dytë të sezonit të kaluar luajti i huazuar te Aberdeen në Skoci duke mos realizuar asnjë gol, është transferuar te një skuadër me emër të madh në futbollin anglez siç është Sheffield Wednesday që këtë sezon militon në League One.

Kamberi është transferuar në Angli në formë huazimi për një vit nga zviceranët e St Gallen të cilët zotërojnë kartonin e tij.

Sulmuesi shqiptar më parë ka luajtur edhe për skuadra si Grasshoppers, Karsluher, Hibernian e Glasgow Rangers.

Zyrtare: Bedri Greca prezantohet te skuadra e re

Sfida Prishtina – Bodo/Glimt transmetohet direkt në këtë televizion