Emin Bajrami emërohet kryetrajner i KF Fushë Kosovës.
KF Fushë Kosova ka konfirmuar zyrtarisht arritjen e marrëveshjes me trajnerin e njohur kosovar, Emin Bajrami, i cili nga sot do të marrë drejtimin e skuadrës, shkruan Gazeta OLLE.
Ky është një hap i rëndësishëm për klubin, që synon përmirësimin e rezultateve dhe konsolidimin e pozicionit të tij në Ligën e Parë.
Bajrami, i cili ka përvojë të madhe në futbollin kosovar, do të sjellë përkushtimin dhe strategjitë e tij në përpjekje për të ngritur skuadrën në një nivel më të lartë.
Klubi ka shprehur kënaqësinë për këtë bashkëpunim dhe shpreson që nën udhëheqjen e tij, KF Fushë Kosova të arrijë sukseset e dëshiruara.
