Zyrtare: Armando Broja me kontratë afatgjate te Chelsea

Chelsea ka njoftuar se ka rinovuar kontratën me Armando Brojën deri në vitin 2026.

Sulmuesi shqiptar ishte në huazim te Vitesse në edicionin e kaluar, duke impresionuar me 11 golat e tij në 34 paraqitje.

Kështu, Chelsea nuk i la asgjë befasisë dhe vendoi që të rinovonte kontratën e Brojës edhe për pesë vite të tjera.

“Armando Broja ka nënshkruar një kontratë të re afatgjatë në Chelsea Football Club që e angazhon atë në Stamford Bridge deri të paktën verën e vitit 2026”.

“Sulmuesi i ri, i cili do të mbushë 20 vjeç në shtator, kaloi sezonin e kaluar në huazim në Eredivisie me Vitesse Arnhem, ku bëri 34 paraqitje”.

“11 golat e tij ndihmuan ekipin holandez në një përfundim të vendit të katërt dhe finalen e Kupës KNVB, në të cilën ata u mundën nga Ajax, dhe siguruan që ai të mbaronte fushatën si një nga adoleshentët me rezultatin më të mirë në Evropë”, thuhet në komunikatën e bluve.

Broja cilësohet si një lojtar që ka të ardhme të ndritur te Chelsea dhe për këtë klubi e shpërbleu me kontratë të re./Gazeta Olle/

Njihuni me Albin Thaqin, mbrojtësi i talentuar nga Kosova që debutoi me ekipin e parë të Borussia Dortmundit

A e dini se… fakte interesante për basketbollistet e Përfaqësueses së Kosovës