Zyrtare: Ardian Cuculi prezantohet te Shkëndija

Ardian Cuculi është rikthyer përsëri në klubin e madh shqiptar, Shkëndijën e Tetovës.

Pas tri viteve të kaluara në Gjilan me fanellën e Dritës, Cuculi ka arritur marrëveshje me Shkëndijën.

Cuculi i cili është në fund të karrierës së tij është rikthyer te kuqezinjtë pas katër viteve, ku një vit ish pjesë e Kukësit dhe tri të tjera te Drita.

Qendërmbrojtësi me përvojë të gjatë ka nënshkruar kontratë një vjeçare me kuqezinjtë.

Njoftimi i plotë nga FC Shkëndija:

KF Shkëndija njofton se ka arritur marrëveshje për rikthimin e Ardian Cuculit në klubin tonë, duke nënshkruar kontratë me kohëzgjatje prej një vjet. Rikujtojmë që Ardian Cuculi në skuadrën kuqezi rikthehet pas katër vitesh. Brenda kësaj periudhe ishte pjesë e ekipit të Kukësit, ndërsa së fundmi luajti për ekipin e Dritës nga Gjilani.

Ardian Cuculi në të kaluarën me fanellën e Shkëndijës ka fituar 5 tituj, edhe atë 2 herë titullin e kampionit të Maqedonisë së Veriut, 2 trofe të Kupës dhe 1 trofe të Super Kupës.

“Kur bëhet fjalë për Shkëndijën, normalisht se çdo rikthim është emocional. Unë jam shpirtërisht i lidhur me Shkëndijën nga shkaku se me fanellën e Shkëndijës i kam kaluar vitet më të lavdishme të karrierës sime si futbollist. Unë këtu kthehem në shtëpinë time, këtu kam edhe disa bashkëlojtarë me të cilët kemi luajtur së bashku në Shkëndijë në të kaluarën. Me Shkëndijën për herë të parë jemi shpallur kampionë në vitin 2011 dhe besoj se këtë vit së bashku do të arrijmë synimet dhe do të rikthejmë titullin e kampionit”, deklaroi Cuculi gjatë nënshkrimit të kontratës.

/Gazeta Olle/ 

Jashanica: Besoj se do të jemi në grupe, Ballkani përfaqëson gjithë Kosovën

Thaqi i kënaqur me fitoren e parë këtë kampionat dhe angazhimin e futbollistëve të tij.