Zhegrova shpërthen pas ndeshjes: Duhet të ndryshohen do gjëra të brendshme

Mesfushori i kombëtares së Kosovës, Edon Zhegrova, ka thënë pas ndeshjes se disa gjëra të brendshme duhet të ndërrohen.

Zhegrova tha se s’do të flas për detaje, pasi s’i takon atij të flas, por siç tha ai, duhet diskutim nga të gjithë që të zgjidhet problemi.

“Thënë të drejtën s’kam koment, besoj që kemi pasur shumë gjasa për tu kualifikuar me këtë grup që e kemi pasur. Mendoj që duhet të ndërrohen disa gjëra të brendshme, s’do të doja të flisja, sepse s’më takon mua të flas”.

“Duhet të diskutojmë të gjithë së bashku dhe duhet ta zgjidhim të gjithë së bashku. Do të doja që kapiteni apo ndonjë lojtar tjetër më në moshë do të diskutonin me presidentin e ta zgjidhim këtë problem”, tha Zhegrova, njofton Klankosova.tv.

Tutje, ai tha se e di që të gjithë tifozët janë nervoz me lojtarët e kombëtares, por sipas tij “të gjithë ne lojtarët e kemi dhënë maksimumin në stërvitje e në ndeshje”.

Muric flet pas pritjes së penalltisë: Do të ishte më bukur të marrim pikë

Zhegrova tërhiqet nga kërkimi për ndryshime, del me një deklaratë tjetër