Presidenti i UEFA-s, Alexander Ceferin do të mbërrijë ditën e enjte për një vizitë zyrtare në Tiranë.
Kreu i qeverisë së futbollit europian do të zhvillojë një takim në ora 15:00 me Kryeministrin Edi Rama dhe më pas do të pritet në takim nga Presidenti i FSHF-së, Armand Duka, ku do të diskutohet për problematikat e incidenteve të fundit lidhur me procesin zgjedhor të FSHF-së dhe gjithashtu në lidhje me organizimin e finales historike të UEFA Europa Conference League në stadiumin “Air Albania” më 25 maj.
Air Albania do të jetë nikoqire e finales së Ligës së Konferencës, finale e cila do të mbahet për herë të parë në Tiranë, ky kompeticion i cili për nga rëndësia është i rankuar si turnamenti i tretë më i vlefshëm pas Ligës së Kampionëve dhe Europa Ligës do të jetë e organizuar nga UEFA në bashkëpunim me FSHF-në.
