Zekirija Ramadani flet për përballjen me Liepajan: Qëllimi është ta kalojmë dhe të shkojmë sa më larg

Trajneri i Gjilanit, Zekirija Ramdani ka folur pas hedhjes së shortit të Ligës së Konferencës, ku do të ndeshjen me klubin Liepaja.

Gjatë ditës së djeshme është hedhur shorti për ciftet e Ligës së Konferencës, ku fati deshi që Gjilani të takohet me klubin nga Letonia, Liepaja.

Për këtë short dhe ndeshjen ndaj klubit të Letonisë ka folur edhe trajneri i Gjilanit, Ramadani.

“Një kundërshtar i respektuar në këtë fazë të garës”, ka thënë fillimisht Ramadani për faqen zyrtare të klubit.

“Kemi filluar mbledhjen e informacioneve për kundërshtarin edhe pse kemi pak njohuri, pasi që kemi parë ndeshjen me Strugën në edicionin e kaluar”.

“Do përgatitemi sa më mirë për këto dy ndeshje dhe presim që të kalojmë këtë rund të garës, pasi që qëllimi është të kualifikohemi sa më larg”, përfundoi trajneri i Gjilanit.

Ndryshe, Gjilani ndeshjen e parë do të luajë në Prishtinë me datën 7 korrik, ndërsa ajo e kthimit me 14 korrik.  /Gazeta Olle/

Kush është Zalgiris, kundërshtari i Ballkanit në Ligën e Kampionëve

Drama e talentit gjerman, e operojnë në këmbën e gabuar dhe i shkatërrojnë karrierën