Zëdhënësi i KOK-ut, Kushtrim Krasniqi në komisionin për marketing dhe komunikim të Komitetit Ndërkombëtar të Lojërave Mesdhetare

Udhëheqësi i Departamentit për Media dhe Komunikim në KOK, Kushtrim Krasniqi, është emëruar anëtar i komisionit për komunikim dhe marketing për Lojërat Mesdhetare Taranto 2026.

Komiteti Ekzekutiv i Komitetit Ndërkombëtar të Lojërave Mesdhetare (ICMG), ka formuar komisionet e reja për periudhën 2024 – 2026, ku sërish anëtarët e KOK-ut janë përfshirë në komisione.

“Krahas sekretarit të përgjithshëm, Besim Aliti, që është emëruar anëtar i komisionit koordinues për Lojërat Mesdhetare Taranto 2026, udhëheqësi i Departamentit për Media dhe Komunikim, Kushtrim Krasniqi, është emëruar anëtar i komisionit për komunikim dhe marketing”.

“Krasniqi është anëtar edhe i komisionit për komunikim dhe marketing në Komitetin Olimpik të Evropës (EOC)”.

“Falë mbështetjes së presidentit Ismet Krasniqi, sekretarit të përgjithshëm, Besim Aliti dhe Bordit Ekzekutiv, stafi i KOK-ut, krahas ICMG-së ndodhet edhe në komisionet e EOC-ut dhe organizatave tjera si ENGSO dhe FICTS”, thuhet në njoftimin e KOK-ut.

Futbollisti kosovar dënohet me 12 muaj mos lojë

Ballkani ‘fluturon’ në renditjen e re të UEFA-s: Renditja e të gjitha skuadrave shqiptare