Zbulohet gjendja e Përparim Islamit pas lëndimit dhe arsyeja e mungesës së Zekirija Ramadanit në stolin e Gjilanit

Trepça ’89 dhe Gjilani kanë ndarë pikët në përballjen interesante në “Riza Lushta”. 

Ndeshja e xhiros së 13-të në Albi Mall Superligë, u mbyll me barazim 1-1, shkruan Gazeta Olle.

Gjilanasit në këtë ndeshje janë drejtuar nga ndihmëstrajneri, Alban Hyseni.

Ai pas ndeshjes ka treguar arsyen e mungesës së Zekirija Ramadanit.

“Trajneri nuk ka qenë edhe në stërvitje dje, pasi është në gjendje të rëndë shëndetësore. Kjo është arsyeja e vetme që ai ka munguar. Pavarësisht gjendjes së keqe, ai nuk ka munguar në asnjë stërvitje, por mungesa e tij është gjendja shëndetësore”, ka thënë Hyseni.

Hyseni gjithashtu njoftoi se gjendja e Përparim Islamit pas lëndimit në fillim të ndeshjes, është stabile.

“Ka një lëndim, por gjendja e tij është stabile. Kjo informatë më erdhi menjëherë pas përfundimit të ndeshjes”, ka thënë Hyseni.

Sa i përket ndeshjes ndaj ’89-shit, Hyseni tha se përparësinë e një lojtari më shumë në fushë e shfrytëzuan vetëm në pjesën e parë.

“Që në fillim të takimit ishim me një lojtar më shumë në fushë dhe këtë mundësi e shfrytëzuam vetëm në pjesën e parë. Në pjesën e dytë tentuam të shënojmë, por pësuam gol nga një kundërsulm”, është shprehur Hyseni. /Gazeta Olle/ 

Pollozhani: Nga pakujdesia shkaktuam penallti që mund të evitohej

Feronikeli 74 ruan vendin e parë në Grupin A, Fushë Kosova “rrëmben” primatin në Grupin B, rezultatet dhe tabela