Tronditet bota e sportit. Vritet në Ukrainë trajneri i kombëtares së çiklizmit.
Revista britanike e çiklizmit, ‘Cycling Weekly’, raporton vdekjen e trajnerit ukrainas të çiklizmit Alexander Kulyk, 65 vjeç, babai i ish-kampionit kombëtar Andriy Kulyk.
Sipas raportimeve të gazetës britanike, Kulyk ishte duke marrë pjesë në një operacion ushtarak për evakuimin e disa njerëzve nga vendet më të rrezikshme në kryeqytet, por ra viktimë e një sulmi rus.
Në kohën e vdekjes së Kulyk, djali i tij po stërvitej. “Ne po përpiqemi të mbledhim informacion nga të gjithë instruktorët tanë, por është e vështirë ta bëjmë këtë”, tha presidenti i Federatës së Çiklizmit të Ukrainës, Andriy Grivko për Cycling Weekly.
