Vojvoda tregon gjendjen pas lëndimit: “Më i fortë se guri, do rikthehem shpejtë”

Mbrojtësi i Kombëtares së Kosovës, Mërgim Vojvoda, sot ka treguar për gjendjen e tij shëndetësore pas lëndimit që pësoi në ballafaqim me Milanin.

Vojvoda po zhvillonte një ndeshje shumë të mirë deri në momentet kur ai lëndoi krahun padashje, lëndim ky që e detyroi të zëvendësohej dhe duket se do e mbajë jashtë fushave për disa muaj, shkruan Gazeta Olle.

Ai ka postuar një fotografi të tij në “Instagram”, ku tha se do të kthehet më i fortë se kurrë.

“Çfarë vjen nga Zoti është e mirëpritur. Më i fortë se guri. Do rikthehem më i fortë inshAllah”, shkroi ai.