Vjosa feston titullin e kampionit në Ligën e Dytë

Vjosa nga Shtimja është kurorëzuar me titullin e kampionit në Ligën e Dytë. Kjo skuadër në ndeshjen e fundit të këtij edicioni shënoi fitore bindëse në duel me Minatorin, me rezultat 4:1, duke e mbyllur kampionatin në pozitën e parë, me 71 pikë, me 22 fitore, 5 barazime e vetëm 1 humbje. Në ceremoninë e ndarjes së medaljeve dhe trofeut të kampionit të pranishëm ishin anëtari i KE të FFK-së, Ismajl Ajeti dhe kryetari i Komisionit të Garave të Ligës së Dytë, Ardian Llumnica. Kësisoj, Vjosa nga edicioni i ardhshëm do të bëjë gara në Ligën e Parë, teksa së bashku me të inkuadrimin në një rang më të lartë të garave e ka siguruar edhe Rilindja 1974 nga Lugu i Baranit, e cila e ka mbyllur edicionin në pozitën e dytë, me 68 pikë.

Besa Famgas fiton titullin e kampionit te juniorët

Ademi dhe Duka vizituan zyrën e re të FIFA-s, faqja zyrtare shkruan për ta