Kukësi kaloi edicionin më zhgënjyes të dekadës të fundit, teksa deri në javët e fundit ndodhej në rrezik për zopnën e rënies nga Kategoria. Verilindorët ndonëse e nisën me shumë pretendime, performanca ishte shumë larg dëshirës së drejtuesve të skuadrës.
Verilindorët do të nisin nga puna për ndërtimin e skuadrës për sezonin e ardhshëm, por duhet t’i bëjnë llogaritë pa kapitenin e skuadrës.
Burime të sigurta bëjnë me dije për Supersport se Gjelbrim Taipi ka mbyllur bashkëpunimin me Kukësin këtë fundjavë, edhe pse kontrata e tij përfunonte në fundin e edicionit të ardhshëm. Po ashtu edhe Shqipërim Taipi ka ndarë rrugët me kuksianët, me dy vëllezërit Taipi që bëhen lojtarët e parë që shtrëngojnë duart me kuksianët.
Taipi ka qenë një nga lojtarët më të rëndësishëm të ekipit të Kukësit, duke qenë lojtari i vetëm që luajti në të githa ndeshjet e kampionatit. 30-vjeçari ka shënuar këtë sezon dhe 5 gola, megjithatë pas 3 sezonesh Taipi largohet nga Kukësi. Gjatë kësaj periudhe, mesfushori ka luajtur 116 ndeshje, duke shënuar në total 15 gola.
Në anën tjetër Shqipërim Taipi largohet pas 2 sezonesh, me 60 ndeshje të luajtura dhe 5 gola të shënuar. Në ditët në vijim pritet që nga verilindorët të ketë të tjerë të larguar, pasi një pjese të titullarëve u ka përfunduar kontrata si Edison Ndrecës, Edi Bashës dhe Altin Bytyçit.
