Tashmë klubi nga Gjakova po përballet me një krizë të thellë financiare, ku përveç rezultateve negative, edhe futbollistëve i ka humbur durimi, shkruan Gazeta Olle.
Adnan Haxhaj, përmes një postimi në rrjetet sociale, ka njoftuar se nuk do të jetë më pjesë e kuqezinjve për pjesën tjetër të sezonit.
Mbrojtësi 33-vjeçar largohet para kohe nga klubi për arsye financiare, duke falënderuar tifozët, bashklojtarët dhe stafin për përkrahjen, dhe duke i uruar suksese klubit në vazhdim.
“Pershendetje Miq Dua te ju njoftoj se qe nga sot nuk do te jem me pjes e K.F. Vëllaznimit. Faleminderit Qytetit per mikepritje tifozeve per perkrhajen bashklojtarve dhe Stafit. Per Mua ishte nder dhe knaqesi ta bartja fanelen e Vëllaznimit. Nuk deshtem qe gjerat te rrjedhin keshtu por shkaqet financiare nuk na lan rrug tjeter veq se te largohem para kohe. Klubit i uroj me te miren ne te ardhmen sepse eshte nje klub i madh dhe nje qytet qe e don Futbollin”, ka shkruar Haxhaj.
/Gazeta Olle/
