Drita do të përballet me Lirinë në xhiron e dytë të Albi Mall Superligës.
Trajneri i Dritës, Akis Vavalis ka folur para kësaj sfide, duke e cilësuar si një udhëtim shumë të vështirë.
“Nesër është një ndeshje e vështirë ndaj Lirisë. Kemi bërë analizë për këtë ndeshje dhe kemi parë që ka disa lojtarë interesant, sidomos në repartin ofensivë”.
“Liria kur luan në stadiumin e tyre ka një atmosferë shumë të zjarrtë dhe janë entuziastë pas inkuadrimin në Superligë dhe kjo e bën këtë ndeshje edhe më të vështirë”, tha Vavalis.
Tutje Vavalis foli edhe për skuadrën e tij, ku deklaroi se duhet të tregojnë potencialin që kanë dhe agresivitetin.
“Që nga fillimi i ndeshjes ekipi jonë duhet të dëshmoj potencial dhe agresivitet dhe të tregojmë që jemi ekip më i mirë se kundërshtari dhe favorit për këtë duel”, deklaroi ndër të tjera Vavalis. /Gazeta Olle/
