Ulpiana kampione e Ligës së Parë pas një sezoni fantastik

Ulpiana e Lipjanit është kampione e Ligës së Parë të Kosovës në hendboll në konkurrencë të femrave.

Ulpiana ka mbledhur 24 pikë, duke i fituar të gjitha 12 ndeshjet në edicionin 2020\2021.

Ulpiana në edicionin e ardhshëm do të luajë në Superligën e Kosovës në hendboll. Kupa për skuadrën kampione është dorëzuar të dielën në një ceremoni të mbajtur në palestrën në Lipjan. Po ashtu janë dorëzuar medaljet për lojtaret e Ulpianës.

Kupën dhe medaljet i kanë dorëzuar Fitim Arifi, ushtrues i detyrës së drejtorit të Departamentit të Sportit dhe Komesari i garave, Istref Sadriu.

Në vendin e dytë renditet Prizreni që do të luaj në plejaut me të parafundit në Superligë, për një vend në elitë në edicionin e ardhshëm.

/Gazeta Olle/