Komisioni Disiplinor i Federatës së Futbollit të Turqisë vendosi dënimin për Fenerbahçen pasi u largua arbitrarisht nga fusha në finalen e Superkupës kundër Galatasaray.
Klubi nga Stambolli u gjobit me 115,466.80 euro, ndërsa ndeshja u regjistrua me rezultatin zyrtar 3-0 në favor të Galatasaray.
Gjithashtu, anëtari i Bordit, Ahmet Ketenc është suspenduar nga detyra për 2 muaj për shkak të largimit të skuadrës nga fusha dhe është dënuar me 15 mijë euro gjobë.
PFDK, Fenerbahçe'nin Süper Kupa maçında sahadan çekilmesinden dolayı hükmen mağlup sayıldığını ve 4M TL para cezası verildiğini açıkladı!
Yönetim Kurulu Üyemiz Ahmet Ketenci'ye ise 60 gün hak mahrumiyeti ve 520 bin TL para cezası verildi! pic.twitter.com/dShNexLQlD
— Fener Editör (@Fenereditor) April 11, 2024
Në shenjë proteste, Fenerbahçe luajti me një skuadër juniore në finalen e Superkupës së Turqisë ndaj Galatasarayt dhe u larguan menjëherë nga fusha në minutën e 2-të.
Në këtë mënyrë ata shprehën pakënaqësinë e tyre për datën e ndeshjes, si dhe për vendimet e mëparshme të Federatës së Futbollit të Turqisë, të cilat sipas gjigantit turk ishin kundër tyre.
Fenerbahçe sot do të luajë ndeshjen çerekfinale të Ligës së Konferencës ndaj Olimpiacos.
