Trepça debuton me ‘këmbën e majtë’ në FIBA Europe Cup, pëson humbje në Minatori

Trepça e nisur me humbje garat në grupet e FIBA Europe Cup, duke u mundur në shtëpi nga ZZ Leiden me rezultat 54:84
Skuadra mysafire e nisi ndeshjen më mirë me një seri prej 2:7, dhe gjatë gjithë çerekut të parë ishin në epërsi, duke e fituar këtë pjesë 13:18. Mitrovicasit u rikthyen në periudhën e dytë për të kaluar në epërsi 27:26, megjithatë mysafirët në fund ishin më të mirë për të shkuar në pushim me rezultat 27:33.
ZZ Leiden e nisi çerekun e tretë me seri 0:5 dhe thelloi edhe më shumë epërsinë, ku shifrat në semafor pas 30 minutash ishin 42:56. Në dhjetë minutat e fundit, mysafirët vetëm sa e shtuan epërsinë dhe triumfuan 54:84.
Erjon Kastrati shënoi 13 pikë, kurse Drilon Hajrizi 12 për fituesit e Kupës dhe Superkupës së Kosovës. Mitrovicasit debutuan me humbje në FIBA Europe Cup, kurse ZZ Leiden kanë dy fitore në dy ndeshje.
Trepça ndeshjen e ardhshme e zhvillon ndaj BCM Gravelines Dunkerque si mysafire më 1 nëntor. /Gazeta Olle/

Batatina: Ka përfunduar projekti final për stadiumin “Zahir Pajaziti”

Peja shënon fitore madhështore në FIBA Europe Cup, mposht Heroes Den Bosch në Karagaç