Toni Domgjoni aplikon për pasaportë të Kosovës, Ambasada në Holandë publikon fotot nga procedurat e aplikimit

Toni Domgjoni është prurja më e re e Përfaqësueses së Kosovës për ndeshjet e muajit tetor.

Dardanët do t’i zhvillojnë dy sfida në këtë muaj, ku fillimisht më 9 tetor luajnë në udhëtim te Suedia e tri ditë më pas presin Gjeorgjinë.

23-vjeçari është në listën e trajnerit Bernard Challandes për këto dy takime, por ai ende nuk ka marrë leje nga FIFA për të luajtur me Dardanët.

Edhe vet FFK ka njoftuar se Domgjoni është në pritje të kompletimit të dokumentacionit dhe lejes nga FIFA për të luajtur me Kosovën.

Mesfushori i talentuar tanimë ka aplikuar për pasaportën e Kosovës në Ambasadën tonë në Holandë.

Ka qenë faqja zyrtare e Konsullatës së Kosovës në shtetin holandez që ka publikuar disa foto nga aplikimi i Domgjonit për pasaportë.

“Toni Domgjoni është ardhja më e re në Kombëtaren e Kosovës në futboll. Ambasada e Kosovës në Holandë u nderua që e priti atë për aplikim të pasaportës. Suksese Toni”, ka shkruar faqja zyrtare.

Domgjoni është me prejardhje nga Kosova, por që ka lindur në Koprivnica të Kroacisë. Ai karrierën e ka nisur tek të rinjtë e Slaven Belupos, derisa ka luajtur edhe për Koprivnican para se të transferohej në vitin 2009 në akademinë e Zurichut në Zvicër.

Nga vera e vitit 2021, Domgjoni është bashkuar me skuadrën e famshme holandeze, Vitesse ku ka kontratë deri në vitin 2024. /Gazeta Olle/

Klasikja e futbollit kosovar zhvillohet në Gjilan, Drita dhe Prishtina kërkojnë të rikthehen te fitoret

Ndeshje të zjarrta zhvillohen sot në Ligën e Parë, shtatë sfida janë në program