Thaqi i kënaqur me barazimin ndaj Dukagjinit, zbulon nëse skuadra e tij do të përforcohet në afatin kalimtar

Sot u zhvilluan dy ndeshjet e fundit të stinorit vjeshtor apo më saktë të javës së 18-të në BKT Superligën e Kosovës.

Ndeshje tejet interesante u zhvillua në stadiumin “Liman Gegaj”, shkruan Gazeta Olle.

Dueli ndërmjet Malishevës dhe Dukagjinit në fund u mbyll me barazim 2-2.

Trajneri i Malishevës, Arsim Thaçi, është shprehur i kënaqur me barazimin 2:2, të dielën ndaj Dukagjinit.

Thaçi beson se barazimi ishte epilog real në këtë takim.

“Kishim raste dhe goditëm shtyllën, por ky është futbolli. Ishim pa fat në pjesën e parë. Goli që e pësuam na vuri në vështirësi në pjesën e dytë, edhe pse e rikthyem rezultatin. Mirëpo gjithmonë janë gjëra që ndodhin në futboll. Goli i pësuar ishte një pakujdesi. Në këtë ndeshje besoj që barazimi është epilog real. Jam i kënaqur me angazhimin e lojtarëve. Tani kam arritur të njoh edhe potencialin e skuadrës. Është një ekip që ka përfunduar një vit të suksesshëm në Superligë. Presim që gjatë afatit kalimtar të bëjmë përforcime dhe të jemi skuadër e fortë”, deklaroi Thaçi.

/Gazeta Olle/ 

Gjilani triumfon në derbin ndaj Ballkanit, e mbyll vitin si kampion vjeshtor

Progni: Është e rëndësishme të jemi kampion vjeshtor, kjo fitore i dedikohet tifozëve tanë