Nuk është mbyllur akoma përfundimisht çështja e rinovimit të kontratës së Strakoshës në kampin e Lazios.
Portierit shqiptar i skadon kontrata aktuale me klubin bardhekaltër në qershor, por gjatë kohëve të fundit duket se situata ka ndryshuar.
Strakosha është rikthyer titullar, por ajo që është më e rëndësishme nuk ka arritur asnjë marrëveshje me ndonjë skuadër tjetër, që të largohet në verë si lojtar i lirë.
Drejtuesit e Lazios po përgatiten për një takim me lojtarin për të diskutuar të ardhmen e tij. Dukej një diskutim i mbyllur, por në të vërtetë gjithçka është e hapur. Brenda 2 javëve drejtuesit do të takohen me Strakoshën dhe do ti bëjnë një ofertë për të rinovuar.
Shqiptari është i gatshëm që të rinovojë në se i ofrohen garanci teknike, sepse kërkon që të luajë dhe jo të qëndrojë në pankinë.
