Sulmohet përsëri statuja e tij, Ibrahimovicit tashmë i mungon hunda

Statuja e futbollistit Zlatan Ibrahimoviq në qytetin e tij të lindjes Malmo, Suedi, ishte përsëri objektivi i një sulmi.

Sulmet ndaj statujës së Ibrës filluan pasi media njoftoi se ai kishte blerë gjysmën e aksioneve të skuadrës së futbollit Hammarby në fund të muajit të kaluar.

Nga statuja e Ibrahimoviqit është hequr hunda dhe e gjithë statuja ishte pikturuar e bardhë.

Zëdhënësja e policisë në Malmo, Katherine Rusin konfirmoi se ishte nisur një hetim për sulmin dhe se dëshmitarët okularë do të dëgjoheshin.

Statuja e Zlatan Ibrahimoviqit në Malmo është ngritur rreth 3 muaj më parë, dhe është sulmuar edhe më herët, veçanërisht pas blerjes së aksioneve të klubit suedez.

Ibrahimoviq e filloi karrierën e tij profesionale në Malmö FF dhe më pas luajti për Ajax, Juventus, Inter, Barcelona, Milano, Paris Saint-Germain, Manchester United dhe LA Galaxy.

Për ekipin kombëtar të Suedisë, nga i cili u largua në vitin 2016, ai bëri 116 paraqitje dhe shënoi 62 gola./kp