Sot do të mësohet edhe skuadra e fundit që i bashkohet çerekfinales së Kupës së Kosovës.
Në program është ndeshja e fundit e 1/8 së finales ndërmjet Ferizajt dhe Llapit, e cila zhvillohet në stadiumin me bari sintetik në Ferizaj, me fillim nga ora 13:00, shkruan Gazeta Olle.
Ishte pikërisht skuadra e Llapit që fitoi trofeun e Kupës së Kosovë vitin e kaluar, dhe këtë synon ta bëjë përsëri.
Megjithatë, ndeshja ndaj ferizajasve nuk pritet të jetë e lehtë, pasi ekipi i Arbnor Morinës po kalon momente të mira në Ligën e Parë të Kosovës, ku është në luftë direkte për rikthim në elitën e futbollit kosovar.
Kujtojmë se të shtunën dhe të dielën u zhvilluan shtatë duele të 1/8 së finales, dhe biletën drejt çerekfinales e siguruan: Gjilani, Ramiz Sadiku, Ulpiana, Onix, Drita, Ballkani dhe Prishtina.
/Gazeta Olle/
