Në NBA kanë vazhduar të zhvillohen ndeshjet e ‘Play-Off’, ku ka pasur spektakël natën e mbrëmshme në tre palestra të ndryshme.
Boston Celtics ka marrë një tjetër fitore në TD Garden ndaj Atlanta Hawks me 13 pikë diferencë 119:106.
Jayson Tatum ka qenë më meritori për fitoren e Celtics me 29 pikë, 10 kërcime e gjashtë asistime, derisa White shtoi 26 të tjera.
View this post on Instagram
Te mysafirët më efikasi ka qenë Murray me 29 pikë, por që nuk mjaftuan për fitore.
Celtics tani udhëheqin serinë e Play-Off me rezultat 2-0.
Fitore të madhe ka marrë para adhuruesve të vet edhe Cleveland Cavaliers ndaj New York Knicks me 17 pikë diferencë 107:90.
View this post on Instagram
Me këtë fitore Cavaliers kanë barazuar serinë në 1-1.
Seria në 1-1 është barazuar edhe në duelin mes Phoenix Suns dhe Los Angeles Clippers, pasi vendasit kanë mposhtur me rezultat 123:109.
View this post on Instagram
Devin Booker me 38 pikë si dhe Kevin Durant me 26 të tjera ishin më meritorët për fitoren e Suns.
