Skandaloze, vidhet ekipi i Tiranës gjatë ndeshjes, lojtarëve u “avullojnë” telefonat dhe veshjet

Ngjarje shumë e rëndë në futbollin e moshave. Sot në ndeshjen e luajtur mes skuadrave U-21 të Shënkollit dhe Tiranës e cila përfundoi me rezultatin e barabartë 1-1 në Shënkoll, janë vjedhur çantat e futbollistëve të Tiranës.

Nga informacionet paraprake të siguruara nga “Panorama Sport”, lojtarët kur kanë shkuar pas ndeshjes në dhomat e zhveshjes, nuk kanë gjetur sendet e tyre. Më pas është njoftuar policia dhe tani ende një pjesë e lojtarëve të të dyja skuadrave janë në komisariat për të shpjeguar situatën.

Situatë absurde që ndodh në vitin 2021, kur futbollistë të moshave hasen me situata të tilla të turpëshme dhe skandaloze.

NDESHJA E PËRFUNDUAR –

SHËNKOLLI 1-1 TIRANA

Hila 62′ / Beshiraj 20′