Si do të dukej Përfaqësuesja e Kosovës në basketboll?

Federata e Basketbollit e Kosovës pritet të bëhet anëtare e FIBA-s në muajin e ardhshëm, kurse me këtë do të thotë se Përfaqësuesja e Kosovës do të jetë aktive si kurrë më parë.

Por, dilema është se kush do të luante për Kosovën, ose si do të mund të dukej Përfaqësuesja jonë.

Dardan Berisha i Sigal Prishtinës do të jetë njëri nga lojtarët, dhe këtë e konfirmoi ditë më parë edhe në emisionin ‘Sport Show’ të Klan Kosovës.

Ndërkohë, nga jashtë vendit pritet të vijnë talenti  i Fenerbahçes, Kenan Spahiu. Krahas tij, edhe lojtari i Heliosit të Sllovenisë, Gëzim Morina, mund t’i përgjigjet pozitivisht Kosovës, shkruan gazetaolle.com.

kenan spahiuFIBA Euro U-20 Championship Slovenia

Erjon Kastrati, është një tjetër lojtar që do t’i hynte në punë përzgjedhësi Arben Krasniqi. Ai luan në Krka të Sllovenisë.

erjon kastrati

Nga kolegjet e SHBA-së, mund të vije talenti 20-vjeçar Lis Shoshi, ose edhe Edon Maxhuni, djali i ish-lojtarit të Prishtinës, Besim Maxhuni.

 

Pesëshja e Kosovës: Dardan Berisha, Kenan Spahiu, Gëzim Morina, Erjon Kastrati, Lis Shoshi ( Edon Maxhuni). (Gazeta Olle)