Shtyhet për nesër udhëtimi i Kosovës U21 për në Katar

Kushtet e rënduara atmosferike që po mbretërojnë në vendin tonë kanë bërë që udhëtimi i paraparë i Kosovës U21 drejt Dohës të shtyhet për të hënën.

Në fakt, stafi i Kosovës U21 dhe lojtarët të dielën në mbrëmje kanë pritur disa orë në aeroportin ndërkombëtar “Adem Jashari”, por moti i ligë e ka pamundësuar fluturimin fillimisht drejt Stambollit e më pas drejt Dohës.

Kësisoj, udhëtimi i  U21 parashikohet të ndodhë nesër, por gjithçka varet nga kushtet atmosferike, pra nëse do të ketë fluturime nga aeroporti “Adem Jashari”.

Dardanët e rinj në Doha është planifikuar që t’i zhvillojnë dy ndeshje miqësore kundër Kombëtares U21 të Katarit, më 26 dhe 29 mars.