Kombëtarja U19 e Shqipërisë sot (e shtunë) do të përballet me Serbinë U19.
Kjo ndeshje është e vlefshme për fazën kualifikuese në Kampionatin Evropian 2022, për grupmoshën U19.
Ndeshja do të zhvillohet nga ora 14:00 në stadiumin “Elbasan Arena”.
Shqipëria U19 në këtë ndeshje do të futet pas humbjes nga Franca, kurse Serbia pas fitores ndaj Maqedonisë së Veriut.
Pas raundit të parë në Grupin 7, Franca dhe Serbia ndajnë dy pozitat e para me nga tre pikë, kurse Maqedonia dhe Shqipëria janë në pozitat tre dhe katër, me zero pikë.
