Shpallet lista për ndeshjen e ardhshme

Përzgjedhësi i kombëtares së Kosovës, Taib Kabashi, bëri të ditur listën e hendbollistëve për ndeshjet që i pret në fillim të muajit janar të vitit 2016.

Ai këmbëngul se ka ftuar më të mirët dhe beson në një paraqitje sa më dinjitoze për kualifikimet për Kampionatin Botëror 2017.

Përfaqësuesja e Kosovës për meshkuj është para ndeshjeve kualifikuese për Kampionatin Botëror – 2017 i cili mbahet në Francë. Më 6- 9 janar Kosova zhvillon dy ndeshje me kombëtaren e Bosnjë dhe Hercegovinës.

Fillimisht në Gjakovë me 6 janar, kurse tri ditë më vonë në qytetin e Tuzllës. Më 25 dhjetor në Gjakovë në palestrën ‘Shani Nushi’ nga ora 12.00 do të punohet dy herë ne ditë deri me 30 dhjetor, që pastaj te vazhdojnë stërvitjet nga data 2 janar deri në ndeshjen me Bosnjën dhe Hercegovinën me 6 janar”, thuhet nga FHK-ja. Përveç përzgjedhësit Kabashi me kombëtare do të punon edhe trajneri Nexhdet Dobroshi.

Lista e hendbollistëve:

Portierë: Arbër Curri (Besa Famiglia), Edon Gashi (Prishtina), Haris Berisha (Besa Famiglia); alo te majta: Oltion Beshiri (Prishtina), Lindrit Fetahu (Prishtina), Enes Muranoviq (H65 Höör, Suedi), Fundorë të majtë: Deniz Terziqi (Vushtrria), Kreshnik Krasniqi (pa angazhim), Egzon Gjuka (Besa Famiglia), Fundor qendrorë: Valon Dedaj (TVS Fortitudo Gossau, Zvicër), Roland Nreca (RK Gareshnica, Kroaci), pivotmen: Kastriot Jupa (Besa Famiglia); Petrit Prekazi (Prishtina), Jeton Bislimi (Kastrioti), Fundor të djathtë: Ylber Mjeku (Prishtina), Beni Syla ( Kastrioti); alo të djathtë: Florim Hoxha (Prishtina), Sharr Ramadani (TVS ST. Otmar, Zvicër) dhe Besmir Kusari (Vëllaznimi)