Shkëlqen Herolind Shala

Herolind Shala ka vazhduar me formën e tij të mrekullueshme këtë edicion me Slovan Liberecin.

Në ndeshjen e javës së 25-të në kampionatin çek, Herolind e ka nisur ndeshjen nga minuta e parë si gjithnjë ndaj Jihlava në fitoren 2:0.

Në fakt vetë mesfushori i Kombëtares shqiptare ka qenë deçiziv në këtë përballje pasi ka shënuar dy gola të shpejtë për Liberecin.

Fillimisht Shala shënoi në minutën e 34-të të ndeshjes nga një largësi rreth 20 metra duke e mposhtur portierin mysafir.

Ndërkohë golin e dytë në ndeshje 23-vjeçari e realizoi në minutën e 44-të falë një asistimi të bukur nga Vuch dhe përballë portierit nuk gaboi për 2:0.

Me këta dy gola mesfushori ofensivë ka shkuar në koutën e gjashtë golave në kampionat ndërsa ka edhe pesë asistime.