Shaqiri apo Salah? Përgjigjet Mancini

Trajneri i skuadrës së  Interit, Roberto Mancini ka luajtur rolin e diplomatit në konferencën për shtyp kur pyetet se kush është më i mirë egjiptiani i Fiorentinës Mohamed Salah apo shqiptari Xherdan Shaqiri.

“Janë dy futbollistë të ndryshëm por që të dy të fortë. Edhe pse njëri ka zëvendësuar tjetrin te Basel. Për momentin egjiptianit po i shkon gjithçka mirë”, ka thënë Mancini.

Salah është autor i golit të vetëm që i dha fitoren Fiorentinës përballë Interit dhe autor i dopietës në fitoren e mesjavës kundër Juventusit.