Reali merr fitore të rëndësishme në udhëtim, shkëlqen Vini Jr

Real Madrid ka shënuar fitore bindëse me rezultat 4-2 në udhëtim ndaj Osasunës në kuadër të xhiros së 29-të në elitën e futbollit spanjoll.

‘Los Blancos’ morën epërsinë herët në këtë ndeshje kur Vinicius Jr (4’) shfrytëzoi një gabim të mbrojtjes së Osasunës për të shënuar për 1-0.

Reagimi i Osasunës erdhi shpejt pasi ata barazuan rezultatin vetëm disa minuta më vonë me anë të Ante Budimir (7’) i cili shënoi për të barazuar shifrat në 1-1 pas asistimit të Jorge Herrandos.

Mysafirët u vunë në sulm për të rikthyer epërsinë dhe këtë e bën në minutën e 18-të, ku pas një aksioni mirë të organizuar, Dani Carvajal (18’) shënon për 2-1 pas asistimit të Fede Valverdes.

Me epërsinë minimale të Real Madridit përfundoi pjesa e parë e këtij takimi.

Fraksioni i dytë i ndeshjes i takoi i tëri Real Madridit të cilët arritën që të shënojnë edhe dy gola të tjerë për të marrë fitoren e rëndësishme në udhëtim.

Brahim Diaz (61’) pas një aksioni individual u tregua i saktë përballë portierit për të shënuar për rezultatin 3-1, ndërsa goditjen përfundimtare vendasve ia dha përsëri Vinicius Jr (64’) i cili shënoi për 4-1 dhe golin e tij të dytë personal në këtë ndeshje.

Krejt çka vendasit arritën të bëjnë deri në fund ishte shënimi i golit të dytë të cilin e gjetën me anë të Iker Munoz (91′).

Me këtë fitore Real Madridi shkon në kuotën e 72 pikëve, 10 më shumë se Girona në vendin e dytë dhe 11 më shumë se Barcelona në të tretin, por që të dyja kanë një ndeshje më pak të zhvilluar.

Rezultate befasuese dhe ndryshime në tabelë, këto janë katër sfidat që u zhvilluan sot në Ligën e Parë

Agim Ademi viziton Leposaviqin, nënshkruan Memorandum Bashkëpunimi me Lulzim Hetemin