Real Madridi mposht Atleticon pas vazhdimeve dhe shkon në gjysmëfinale të Kupës së Spanjës

Real Madrid ka mposhtur Atletico Madrid në kuadër të çerekfinales së Kupës së Mbretit me rezultat 3-1, pas vazhdimeve, duke kaluar në mesin e katër më të mirëve në këtë garë.

Los Colchoneros shkuan në pushim në epërsi me golin e Alvaro Moratas.

Zhvillohej minuta e 19-të kur Nahuel Morina asistoi te Morata i cili nga afër shënoi për 1-0.

Kjo pjesë lojë solli vetëm edhe një rast të mirë, kur Eder Militao gjuajti mbi portë.

Në pjesën e dytë Real Madridi u lëshua në sulm për të gjetur golin e barazimit.

Në minutën e 58-të, kur Karim Benzema ishte afër të gjente rrjetën, por Jan Oblak ishte në vend.

Goli i barazimit erdhi në minutën e 79-të, kur Rodrygo shënoi për 1-1. Braziliani mori një top në fushën e Atleticos para zonës, kaloi disa lojtarë dhe shënoi gol të bukur.

Atletico Madridi ka mundur të kthejë epërsinë në minutën e 84-të, por gjuajtja e Griezmann shkoi mbi portë.

Vazhdimet nisën me një zënkë kur Stefan Savic dhe Vinicius Junior u ndëshkuan me të verdhë, por për malazezin ishte i dyti, duke u larguar nga loja.

Në minutën e 104-të u shënua edhe goli që vendosi ndeshjen kur Karim Benzema shënoi për 2-1.

Krejt në fund  shënoi edhe Vinicius për 3-1 pas një aksioni të bukur individual për 3-1.

Kanë mbetur edhe 24 orë deri në mbajtjen e kuvendit të jashtëzakonshëm të FFK-së, por deri më tani nuk ka asnjë njoftim nga shtëpia më e madhe e futbollit kosovar

FIFA interpreton Kodin Disiplinor të saj në lidhje me çështjet e ngritura nga Komisioni i MKRS-së