Real Madridi merr fitore me vështirësi në udhëtim te Las Palmas

Real Madridi ka arritur të shënojë fitore si mysafir i Las Palmas me rezultat 2-1 në kuadër të javës së 22-të në La Liga.

Pjesa e parë edhe pse kishte raste dhe momente interesante, nuk solli gola.

Në minutën e 5-të, gjyqtari Cesar Soto Grado i ka dhënë një karton të verdhë Rodrygos pas një goditje me shuplakë ndaj portierit vendas Alvaro Valles, gjë që u përfol shumë në media.

Sergi Cardona rrezikoi për Las Palmasin në dy raste, ndërsa mbretërit u kundërvunë me Vinicius Junior.

Me të filluar pjesa e dytë, vendasit e nisën fuqishëm dhe arritën të shënon të parët përmes Sandro Ramirez që përfitoi nga asistimi i Javier Munoz për të shënuar në portën e Andriy Lunin për 1-0.

Real Madridi arriti të shënojë me Dani Carvajal, por goli u anulua për pozitë jashtë loje.

Në minutën e 65-të, mbretërit barazuan rezultatin me golin e Vinicius Junior që përfitoi nga asistimi i Eduardo Camavingas për 1-1.

Real Madridi pasi barazoi shifrat u lëshua në sulm për të gjetur golin e epërsisë dhe atë e gjeti vetëm në minutën e 84-të.

Një harkim nga këndi i Toni Kroos gjeti kokën e Aurelien Tchouameni që shënoi për 2-1.

Deri në fund nuk kishte më gola dhe Real Madridi mori tri pikët e radhës që e dërgojnë në pozitën e parë me 54 pikë, dy më shumë se Girona.

Ardian Ismajli me statistika mahnitëse: Është krenari, më motivon shumë

Reali e bind Mbappen me 125 milionë euro