Real Madridi blindon me kontratë të re Federico Valverden, i vendos klauzolë të çmendur

Real Madridi ka konfirmuar zyrtarisht rinovimin e kontratës me mesfushorin uruguaian, Federico Valverde.

Los Blancos kanë vazhduar me rinovimin e kontratave të yjeve të ekipit, duke nënshkruar kontratë të re edhe me lojtarin e katërt brenda javës.

Pas Vinicius Junior, Rodrygo Goes dhe Edouardo Camavinga, tani radha ishte për yllin uruguaian, Valverde.

Klubi mbretëror ka konfirmuar sot (e enjte) gjatë ditës se ka rinovuar kontratën e Valverdes edhe për gjashtë vite.

“Real Madrid CF dhe Fede Valverde kanë rënë dakord për të vazhduar kontratën e lojtarit, i cili mbetet i lidhur me klubin deri më 30 qershor 2029”, thuhet në njoftim.

Përveç kësaj, eksperti i transferimeve, Fabrizio Romano raporton se Real Madridi i ka vendosur brazilianit një klauzolë prej 1 miliard eurosh, ashtu sikurse edhe tre lojtarëve tjerë.

Ndryshe, Valverde mbërriti në Real Madrid në korrik 2016, kur ishte vetëm 18 vjeç. Në gjashtë sezonet e tij duke mbrojtur fanellën e ekipit të parë, ai tashmë është një nga mesfushorët më të mirë në botë.

Ai ka luajtur 220 ndeshje, në të cilat ka shënuar 19 gola dhe ka fituar 9 tituj, ndër ta: Ligën e Kampionëve, 2 Kupa të Botës për Klube, 1 Superkupë Evropiane, 2 Liga, 1 Copa del Rey dhe 2 Superkupa Spanjolle.

Një ‘bomber’ i ri ka lindur në Superligë, Muhamet Hyseni ylli i ri që ka filluar të shndrisë te Llapi: Dy vite larg Podujevës më kanë shërbyer për tu pjekur

Astana – Ballkani, formacionet zyrtare