Rashani para ndeshjes me Gjeorgjinë: Unë jam duke kaluar formë të mirë dhe jam gati për fitore, ashtu siç janë edhe pjesa tjetër e ekipit

Trajneri i Përfaqësueses së Kosovës, Bernard Challandes dhe futbollisti Elbasan Rashani, kanë mbajtur konferencë para gazetarëve pas akomodimit në Batumi, një ditë para ndeshjes me Gjeorgjinë.

Njëri nga futbollistët më në formë të Kosovës, mesfushori i Clermont, Elbasan Rashani ka thënë se ekipi ka ardhur me synim për të marrë rezultat të mirë, shkruan Gazeta Olle.

“Kemi ardhur me synim të marrim rezultat të mirë. Për ne është me rendësi të kemi përformacë të mirë dhe rezultati të vijë në bazë të përformancës. Unë jam duke kaluar formë të mirë dhe jam gati për fitore, ashtu siç janë edhe pjesë tjetër e ekipit dhe jemi gati për një ndeshje të mire”, ka thënë Rashani.

Ndeshja në mes të Gjeorgjisë dhe Kosovë zhillohet nesër me fillim nga ora 18:00, në stadiumin “Batumi Arena”.

/Gazeta Olle/

Challandes e bën krahasimin në mes të Përfaqësueses së Kosovës dhe asaj të Gjeorgjisë

Komisioni disiplinor dënon Tahir Batatinën, ja sa ndeshje do t’i mungojë Llapit në stol