Ramiz Krasniqi grumbullon Kombëtaren U19

Përzgjedhësi i Kombëtares U19, Ramiz Krasniqi ka grumbulluar sot ekipin e tij.

Në Kampin Nacional në Hajvali, aty ku tashmë në kushte shumë të mira zhvillohen stërvitjet e ekipeve tona kombëtare, morën pjesë rreth 30 futbollistë të kësaj grupmoshe.

Qëllimi i këtij grumbullimi është njohja e cilësive dhe formës së futbollistëve të ardhur nga jashtë e po ashtu komponimi i tyre me pjesën tjetër të ekipit me lojtarët vendor.

Ky grumbullim tre ditorë vjen në prag të ndeshjeve miqësore që Kosova U19 do t’i zhvillojë me Kombëtaren e Shqipërisë U19 më 26 dhe 28 mars.

Në këtë grumbullim Kosova U19 do t’i luajë edhe dy ndeshje miqësore.

Krasniqi nuk është i kënaqur me pjesëmarrjen e futbollistëve në këtë grumbullim, pasi një numër i konsiderueshëm i tyre kanë munguar për arsye objektive, teksa shprehur edhe shqetësimin e ndërrimit të gjeneratës, e cila çdo herë sjellë vështirësitë e saj.

Gjithsesi pritjet e Krasniqit janë pozitive duke ditur se ka futbollistë të talentuar në ekipin e tij.

Zbulohet skuadra e preferuar e liderit të Koresë së Veriut, Kim Jong-Un

Zyrtare: FIFA dhe UEFA suspendojnë Rusinë në të gjitha kompeticionet