Ramadani pas humbjes nga Llapi: Përgjegjësinë maksimale e kam unë si trajner, kishim gjithçka në dorë

Prishtina ka pësuar humbje në derbin rajonal nga Llapi 1-2.

Kryeqytetasit ishin në epërsi deri në minutën e 92-të, kur mysafirët pastaj shënuan dy gola për tre minuta.

Trajneri i Prishtinës, Zekirija Ramadani ka marrë përgjegjësinë për këtë humbje, teksa e ka uruar Llapin për fitore.

“Më e vështira është që të gjejmë koment, pasi duhet të themi komentin e duhur. I uroj Llapit fitoren. Jemi akoma pa fitore në fushën tonë”.

“Eksperiencën e kemi, por derisa të ndodhin këto gjëra nuk funksionon asgjë. Përgjegjësinë maksimale e kam unë si trajner, kishim gjithçka në dorë”. tha Ramadani.

Tutje trajneri shkupjan tha se të njëjtën situatë klubi ka qenë edhe vitin e kaluar, por që ka dëshirë për të bërë më mirë.

“Nuk e di çfarë të them tani sinqerisht, mund edhe të gaboj për ndonjë gjë që flas”.

“E njëjta situatë ka qenë edhe vitin e kaluar, por nuk duhet ta përsërisim përsëri një gjë të tillë”.

“Nuk dua të arsyetojë asgjë, lëndimet na përcjellin dhe fati i keq. Leonit Abazi ishte në plan për të luajtur por u lëndua”.

“Ekziston bindja dhe dëshira për të bërë më të mirën, por nuk po e bëjmë atë”, deklaroi Ramadani.

Dallku: Jam i kënaqur edhe me paraqitjen por edhe me rezultatin, kjo fitore do të jetë pikë kthese për Dukagjinin

Isufi pas barazimit me Gjilanin: Skuadra kundërshtare ishte në nivel të duhur dhe normalisht duhet të pranojmë këtë rezultat