Rama e Ademi vizitojnë stadiumin ku do të luhet finalja e Ligës së Kampionëve: Kështu do të duket edhe stadiumi i kryeqytetit

Përparim Rama dhe Agim Ademi ndodhen në Stamboll, ku vizitën e kanë shfrytëzuar për ta parë nga afër stadiumin olimpik të qytetit turk.

I pari i Prishtinës dhe i pari i futbollit kosovar kanë vizituar stadiumin olimpik në Stamboll ku do të luhet finalja e Ligës së Kampionëve.

Kryetari i Komunës së Prishtinës ka bërë një postim, duke shkruar se stadiumi i kryeqytetit që pritet të ndërtohet në Bërnicë të Poshtme të jetë i këtij nivel.

“Së bashku me Kryetarin e Federatës së Futbollit të Kosovës,  Agim Ademi, vizituam Stadiumin Olimpik në Stamboll, në të cilin UEFA parasheh që të luhet finalja e Ligës së Kampionëve dhe disa ndërtesa të tjera të rëndësishme”.

“Eksploruam mundësitë dhe idetë që Stadiumi i Ri i Kryeqytetit i cili do të ndërtohet në Kampusin e Sporteve në Bërnicën e Poshtme, të jetë i këtij niveli”.

“Ky Stadium do të jetë në shërbim të ekipeve kombëtare dhe të Kryeqytetit”, ka shkruar i pari i kryeqytetit, Përparim Rama. /Gazeta Olle/

David Beckham ndoqi debutimin e djalit të tij në Angli – ai pagoi biletën dhe dhuroi para për punëtoret femra të klubit

Derbi i Manchesterit zhvillohet në Old Traford, formacionet zyrtare