Një ndër aksionarët më të mëdhenj të klubit të Prishtinës, Rahman Haradini ka thënë se janë të gatshëm të largohen nga garat në futbollin e Kosovës nëse ju cenohet e drejta kandidatit që e përkrahin për Kryetar të Federatës së Futbollit të Kosovës.
I lidhur drejtpërdrejt në emisionin ‘Politiko’ në Kanal 10 një ndër aksionarët më të mëdhenj në klubin e Prishtinës, Rahman Haradini ka treguar se nënshkrimet e klubit të Prishtinës janë në rregull dhe delegatët e Prishtinës nuk i kanë dhënë nënshkrim askujt tjetër përveç Gramoz Vokrrit.
”Nënshkrimet e Prishtinës janë shumë në rregull, tek ne është bërë ndërrimi i delegatëve para se të bëhen zgjedhjet për kryetar Federate. Delegatët e Prishtinës nuk i kanë dhënë nënshkrim kërkujt perveç Gramoz Vokrrit,” ka thënë Haradini.
Ndër të tjera ai ka thënë se: ”Jemi te gatshëm edhe të largohemi nga garat nëse ju cenohet e drejta kandidatit qe e përkrahim.”
Gjatë ditës së sotme edhe drejtori i klubit të Prishtinës, Artan Osmani ka thënë se nëse Agim Ademi vendos të injoroj vullnetin e pesë klubeve të Superligës së Kosovës, atëherë do të diskutohet edhe vazhdimi i garave.
