PSG mposhtet nga Rennes, gara për titull bëhet edhe më interesante në Ligue 1

Rennes ka shkaktuar befasi në javën e 19-të të Ligue 1, pasi ka mposhtur në shtëpi me rezultat 1-0 Paris Saint-Germainin.

Në pjesën e parë, dy skuadrat patën shanse të mira shënimi, por nuk i konkretizuan, për të shkuar me porta të paprekura në pushimin mes pjesëve.

Por, 45 minutat e dytë ishin shokues, aq më shumë për kampionin në fuqi që pësoi humbje.

Ishte minuta e 65-të e takimit, kur Adrien Truffert asistoi te Hamari Traore, që realizoi për 1-0.

PSG u mundua deri në fund që të merrte së paku një pikë, por Rennes nuk lejoi këtë gjë dhe arkëtoi tri pikë.

Pas javës së 19-të, PSG vazhdon të jetë lider me 47 pikë, ndërsa në xhiron e 20-të takohet me Reims.

Dybala vazhdon shkëlqimin, Roma mposht Fiorentinën

Zhegrova për synimin në karrierë: Qëllimi im është te ekipet e mëdha