Protesta unike ndaj Federatës së Futbollit, tifozët e Herthas ndërprenë ndeshjen derbi duke e mbushur fushën me topa tenisi

Derbi i madh i Bundesliga 2 ndërmjet Hertha Berlin dhe Hamburg është ndërprerë për rreth gjysmë ore për shkak se tifozët kanë mbushur me topa tenisi fushën e stadiumit Olimpik në Berlin.

Tifozët hodhën topa në fushë për 20 minuta të mira dhe nuk lejuan të luhej ndeshja, ndaj gjyqtari i tërhoqi lojtarët nga fusha kur rezultati ishte 0:0 në minutën e 65-të.

“Viti i ri, por problemet mbeten. Ne nuk do ta nënshkruajmë kurrë idenë tuaj për futbollin”, shkruhej në pankartën e tifozëve të Herthas.

 

Ata shprehën kështu një protestë kundër ombrellës së Federatës Gjermane të Futbollit (DFB), e cila njoftoi një plan të ri për privatizimin e klubeve, i cili u dënua ashpër në Gjermani.

Ndeshja rifilloi pas një pushimi gjysmë ore, HSV kaloi shpejt në epërsi me Muheim, por Herth u kundërpërgjigj me shpejtësi përmes Haris Tabakovic, i cili shënoi për 1:1.

Menjëherë pas kësaj, Reis riktheu epërsinë e HSV pasi shënoi për 2:1 dhe e çoi ekipin drejt fitores.

Kjo nuk është hera e parë që tifozët në Gjermani protestojnë kundër privatizimeve të klubeve, pasi klubi më i urryer aktualisht në Gjermani është RB Leipzig pikërisht për këtë fakt që ka investitorë të huaj.

Luhen katër ndeshje të tjera në Kupën e Kosovës, do të kompletohen skuadrat çerekfinaliste 

Drita mposht lehtësisht Rilindjen dhe kalon në çerekfinale