Drita do të përballet me Plzenin në ndeshjen kthyese të rrethit të dytë të Ligës së Konferencës.
Gjilanasit kanë marrë një barazim të vlefshëm 0-0 në ndeshjen e parë në Çeki.
E për ndeshjen e kthimit të besuarit e Akis Vavalis synojnë të shkaktojnë befasinë e madhe për të eliminuar gjigantin çek.
Biletat kanë dalë në shitje të hënën në Gjilan derisa do të ketë në shitje edhe ditën e ndeshjes (e enjte) në Prishtinë.
Gazeta Olle mëson se deri më tani janë shitur rreth 10 mijë bileta për sfidën Drita – Plzen.
Shitja e biletave do të vazhdoj edhe nesër në qytetin e Gjilanit, por edhe në kryeqytet.
Besohet se stadiumi ‘Fadil Vokrri’ do të jetë i stërmbushur në përkrahje të Dritës për ta shkaktuar befasinë më të madhe të kësaj xhiroje. /Gazeta Olle/
