Skuadra e Cavallit, bardhekaltërit nga kryeqyteti kanë fituar ndeshjen e fundit në fazën parasezonale.
Prishtina sot pati përballje shumë të vështirë, sidomos në pjesën e parë skuadra e Pendikspor ishte e papërmbajtshme duke avancuar me dy gola epërsi (2’, 34’), njofton Prishtina në rrjetet sociale.
Bardhekaktrit ngushtuan rezultatin pas penalltisë së shkaktuar në sulmuesin Kryeziu i cili vetë mori përsipër gjuajtjen nga pika e bardhë (42’).
Në pjesën e dytë skuadra bardhekaltër u këndell, u ndërrua rreshtimi dhe loja jo vetëm se ishte e barabartë, por përfituam nga çdo gabim i kundërshtarëve duke realizuar tre herë ndaj një skuadre me mjaft përvojë.
Ishte Krasniqi që me dy gola riktheu rezultatin (65’, 78’), ndërsa për rezultatin përfundimtar u kujdes Demolli duke kurorëzuar ndeshjen e mirë edhe me realizim.
Skuadra e Prishtinës rikthehet në Kosovë, ndërsa ditën e hënë zhvillon ndeshjen e fundit miqësore me Prishtinën e Re para fillimit të kampionatit me Suharekën.
