Skuadra e Prishtinës ka filluar të përforcohet në këtë merkato.
Pas disa largimeve të shumta, FC Prishtina tashmë ka filluar të transferojë disa lojtarë premtues.
GazetaBlic Sport mëson se klubi kryeqytetas ka arritur marrëveshje me yllin e Llapit, Adonis Aliu.
Aliu, 21 vjeçar luan në pozitën e sulmuesit të krahut, teksa ftohet edhe nga kombëtarja e grupmoshave të Kosovës.
Ai konsiderohet si një nga lojtarët më premtues për të ardhmen.
Gjatë ditëve në vijim, ai pritet të zyrtarizohet tek klubi i madh kosovar, FC Prishtina.
