Po shijon pushimet në Kosovë, bavarezët i organizojnë një pritje speciale, Leon Dajakut

Leon Dajaku, ka zgjedhur Kosovën për pushimet e funditvitit.

Futbollisti që këtë javë debutoi në Bundesligë te skuadra e madhe gjermane, Bayern Munchen, aktualisht po shijon pushimet në vendlindjen e prindërve të tij, përcjellë Gazeta Olle.

E një pritje speciale do ta ketë nesër, pasi tifozët kosovarë të Bayernit kanë angazhuar një takim me të.

Njoftimi i tyre:

Fanklubi “Bavarezët Kosovarë” fton futbolldashësit në përgjithësi, e ata të Bayernit në veçanti në takim me Leon Dajakun, lojtar i FC Bayern München.

Takimi mbahet nesër (e enjte) në Premium Sports Bar me fillim nga ora 16:30.

Siç edhe jeni të informuar Leoni luajti pak minuta në ndeshjen e fundit kampionale, Bayern Munchen – Wolfsburg, kurse goli i tij me skuadrën e dytë bavareze në Ligën e 3-të u shpall “Goli i Muajit” në tetor të këtij viti./Gazeta Olle