Përveç presidentit Ademi, edhe një zyrtar tjetër i FFK-së në “FIFA Arab Cup”

Presidenti i Federatës së Futbollit të Kosovës, Agim Ademi është i ftuar për të marrë pjesë në FIFA Arab Cup 2021 prej 30 nëntor deri më 18 dhjetor nga presidenti i FIFA-s, Gianni Infantino dhe presidenti i Federatës së Futbollit të Katarit, Hamad Bin Khalifa Bin Ahmad Al Thani.

Ky event për herë të parë zhvillohet nën patronatin e FIFA-s dhe në të janë të përfshira 16 ekipet kombëtare të botës arabe që vijnë nga Konfederata e Futbollit Aziatik (AFC) dhe Konfederata e Futbollit Afrikan (CAF).

Përveç presidentit Ademi në këtë event do të jetë edhe oficeri i sigurisë i Kombëtares së Kosovës, Bylent Smakiqi, i cili është edhe oficer i sigurisë i FIFA-s dhe tashmë ndodhet në Katar.

Kreshnik Uka shpallet “Ylli i Javës” në Superligë

FFK me kërkesë për ta marrë si donacion stadiumin ku do të luhet finalja e FIFA Arab Cup