Përfundon Evropiani për Kombëtaren U20 në hendboll

Ka përfunduar Kampionati Evropian i Divizionit B për Kombëtaren U20 të Kosovës në hendboll.

Në Varna të Bullgarisë, Kosova U20 të shtunën luajti ndeshjen për plasman përfundimtar. U përball me Lituaninë dhe pësoi me rezultat 28:17.

Vetëm në pak momente ka funksionuar loja e Kombëtares sonë, ndërsa në rezultat kanë kushtuar gabime të shumta teknike të lojtarëve tanë.

Paraqitja në Evropian shërben si përvojë me shumë vlerë për lojtarët e kësaj gjenerate. Ndër të tjera ata kanë parë se për nivel serioz evropian kërkohet punë dukshëm më e madhe.

Në muajin e ardhshëm në Evropian paraqitet Kombëtarja U18.

Drita dhe Ballkani mësojnë gjyqtarët që do t’i gjykojnë ndeshjet e kthimit në Prishtinë

Skuadra e Ligës së Parë nënshkruan me dy futbollistë nga Gambia